മാർഗമല്ല ലക്ഷ്യമാണ് പ്രധാനം; എൻഡിടിവി ഏറ്റെടുക്കാൻ അദാനി ചെയ്തത് ആരും നടത്താത്ത നീക്കങ്ങൾ

കഴിഞ്ഞ മാസമാണ് അദാനി എൻഡിടിവി ഏറ്റെടുക്കുന്നതായി പ്രഖ്യാപിച്ചത്. അദാനി ഗ്രൂപ്പ് നേരിട്ട് കമ്പനിയുടെ 29.18 ശതമാനം ഓഹരി വിഹിതം സ്വന്തമാക്കി. ഇതിനൊപ്പം തന്നെ ഓപ്പൺ ഓഫറിലൂടെ 26 ശതമാനം അധിക ഏറ്റെടുക്കലും കമ്പനി നടത്തി.

എൻഡിടിവി ഏറ്റെടുത്ത അദാനി ഗ്രൂപ്പിന്റെ നടപടിയെ പറ്റിയാണ് ഇന്നത്തെ ലേഖനത്തിലൂടെ മാർക്കറ്റ്ഫീഡ് ചർച്ചചെയ്യുന്നത്.

കഥ ഇങ്ങനെ

• ഇന്ത്യയിൽ സ്വതന്ത്ര വാർത്താ പ്രക്ഷേപണത്തിന് തുടക്കമിട്ട ഒരു ലെഗസി ബ്രാൻഡാണ് എൻഡിടിവി. രാജ്യത്തെ ആദ്യത്തെ 24x7 വാർത്താ, ലൈഫ് ടൈം ചാനൽ എന്ന സവിശേഷതയും കമ്പനിക്കുണ്ട്. 2005ൽ സ്വകാര്യ സ്ഥാപനമായ ജനറൽ അറ്റ്ലാന്റിക്ക് ഗ്ലോബൽ ഇൻവെസ്റ്റ്മെന്റ് ഒരു ബ്ലോക്ക് ഡീലിലൂടെ 116 കോടി രൂപയ്ക്ക് എൻഡിടിവിയുടെ 8 ശതമാനം ഓഹരികൾ ഏറ്റെടുത്തിരുന്നു.
• എൻഡിടിവിയുടെ പ്രൊമോട്ടർമാരായ പ്രണോയ് റോയ്, രാധിക റോയ് എന്നിവർ കമ്പനിയുടെ നിലവിലുള്ള നിക്ഷേപകരിൽ നിന്ന് ഓഹരികൾ തിരികെ വാങ്ങാനുള്ള ഓഫർ നൽകി. ജിഎ ഗ്ലോബൽ ഇൻവെസ്റ്റേഴ്സിന്റെ കൈയിൽ നിന്നും 7.73 ശതമാനം ഓഹരികൾ തിരികെ വാങ്ങാനായിരുന്നു അവരുടെ ആദ്യ പദ്ധതി. എൻഡിടിവിയിലെ മൈനോറിറ്റി നിക്ഷേപകർക്കും ഈ അവസരം ലഭിച്ചു.
  

എന്താണ് ഓപ്പൺ ഓഫർ?

നിങ്ങൾ ഒരു കമ്പനിയുടെ മൈനോറിറ്റി ഷെയർഹോൾഡർ ആണെന്ന് കരുതുക. ഉടമസ്ഥാവകാശ ഘടനയിലെ മാറ്റം കമ്പനിയുടെ ഭാവിയെ ദോഷകരമായി ബാധിക്കുമെന്ന് നിങ്ങൾ തോന്നുന്നുവെങ്കിൽ നിക്ഷേപത്തിൽ നിന്ന് പുറത്തുകടക്കാൻ നിങ്ങൾക്ക് അവകാശമുണ്ട്. ഈ സാഹചര്യത്തിൽ സെബി പ്രൊമോട്ടേഴ്സിനോട് ഒരു ഓപൺ ഓഫർ മൈനോറിറ്റി ഷെയർ ഹോൾഡേഴ്സിനായി നടത്താൻ ആവശ്യപ്പെടും. ഇതിലൂടെ നിങ്ങളുടെ കൈവശമുള്ള ഓഹരി നിശ്ചിത വിലയ്ക്ക് വിറ്റു കൊണ്ട് നിക്ഷേപത്തിൽ നിന്നും നിങ്ങൾ പുറത്തുകടക്കാവുന്നതാണ്.

• കഥയിലേക്ക് തിരിച്ചുവരിക, റോയ്‌സിന് ഓഹരികൾ തിരികെ വാങ്ങാൻ പണമില്ലായിരുന്നു. അങ്ങനെ അവർ ആർആർപിആർ ഹോൾഡിംഗ് പ്രൈവറ്റ് ലിമിറ്റഡ് എന്ന സ്ഥാപനം സ്ഥാപിച്ചു. ഇതിലൂടെ NDTV ഓഹരികൾ പണയപ്പെടുത്തി ഇന്ത്യാബുൾസ് ഫിനാൻഷ്യൽ സർവീസസിൽ നിന്ന് ഏകദേശം 540 കോടി രൂപ കടമെടുത്തു.
  
• എന്നാൽ 2008ൽ അപ്രതീക്ഷിതമായി ഉണ്ടായ ആഗോള സാമ്പത്തിക മാന്ദ്യത്തെ തുടർന്ന് എൻഡിടിവി ഓഹരികൾ കുത്തനെ താഴേക്ക് വീണു. ഇതോടെ ഈട് വെച്ച ഓഹരിയുടെ മൂല്യം മൊത്തത്തിൽ ഇല്ലാതെയായി.
  
• അതേവർഷം തന്നെ ഇന്ത്യ ബുൾസിന്റെ പണം തിരികെ നൽകാനായി ഐസിഐസിഐ ബാങ്കിൽ നിന്നും അതേവർഷം തന്നെ പ്രൊമോട്ടർ 375 കോടി രൂപ വായ്പ എടുത്തു. 19 ശതമാനത്തിന്റെ പലിശയാണ് ഇതിന് പുറത്ത് ഉണ്ടായിരുന്നത്.
  
• പിന്നീട് ഐസിഐസിഐ ബാങ്കിന്റെ 350 കോടി രൂപ തിരികെ നൽകി. എന്നാൽ  വിശ്വപ്രധാൻ കൊമേഴ്‌സ്യൽ പ്രൈവറ്റ് ലിമിറ്റഡിൽ നിന്ന് ആർആർപിആർ ഹോൾഡിംഗ് എടുത്ത വായ്പയിലൂടെയാണ് ഈ തുക കണ്ടെത്തിയത്.

എന്താണ് കൺവേർട്ടബിൾ വാറന്റുകൾ?

ചില നിബന്ധനകൾ പാലിച്ചു കൊണ്ട് ഒരു കമ്പനിയുടെ ഓഹരികൾ ഒരു നിശ്ചിത വിലയ്ക്ക് വാങ്ങാൻ അനുവദിക്കുന്ന സാമ്പത്തിക ഉപകരണങ്ങളെയാണ് കൺവേർട്ടബിൾ വാറന്റുകൾ എന്ന് പറയുന്നത്.

• വായ്പാ കരാർ അനുസരിച്ച്, വിസിപിഎല്ലിന് RRPR അതിന്റെ ഓഹരി മൂലധനത്തിന്റെ 99.99% പ്രതിനിധീകരിക്കുന്ന കൺവെർട്ടിബിൾ വാറന്റുകൾ നൽകണം.
  
• അപ്രതീക്ഷിത സാഹചര്യങ്ങൾ കാരണം, RRPR-ന്റെ NDTV-യിലെ മുഴുവൻ ഓഹരികളും (~29%) വാറന്റുകളുടെ രൂപത്തിൽ കൈമാറുമെന്ന് പ്രണോയ് റോയിയും രാധിക റോയിയും VCPL-നോട് പറഞ്ഞു.

ഇനിയാണ് കാര്യങ്ങൾ രസകരമാകുന്നത്

• വിസിപിഎൽ 2008ലാണ് ആരംഭിക്കുന്നത്. എൻഡിടിവിയുടെ പ്രൊമോട്ടർമാർക്ക് വായ്പ നൽകിയത് മാത്രമാണ് അവർ നടത്തിയ പ്രധാന ഇടപാട്. 2009-ൽ വിപിസിഎല്ലിന് ഷിനാനോ റീട്ടെയിൽ പ്രൈവറ്റ് ലിമിറ്റഡിൽ നിന്ന് 403.85 കോടി രൂപ സുരക്ഷിതമല്ലാത്ത വായ്പയായി ലഭിച്ചു. അതേസമയം, റിലയൻസ് ഇൻഡസ്ട്രീസ് ലിമിറ്റഡിന്റെ ഉടമസ്ഥതയിലുള്ള വിവിധ സബ്സിഡിയറികളിൽ നിന്ന് ഷിനാനോയ്ക്ക് ഇതേ തുക ലഭിച്ചു. അങ്ങനെ റിലയൻസ് പരോക്ഷമായി എൻഡിടിവിയിലും തന്ത്രപൂർവം നിക്ഷേപം നടത്തി.
• 2012-ൽ, എമിനന്റ് നെറ്റ്‌വർക്ക്സ് എന്ന സ്ഥാപനം ഷിനാനോ റീട്ടെയിലിൽ നിന്ന് വിസിപിൽ എടുത്ത വായ്പയുടെ ഉടമസ്ഥാവകാശം നേടി. റിലയൻസ് ജിയോ ഇൻഫോകോമിന്റെ ബോർഡ് അംഗമായ മഹേന്ദ്ര നഹട്ടയുടെ ഉടമസ്ഥതയിലായിരുന്നു ഈ സ്ഥാപനം. 2012 ലെ കമ്പനി പ്രസ്താവനകൾ പ്രകാരം, വിപിസിഎല്ലിന്റെ പുതിയ ഉടമകൾ നെക്സ്റ്റ് വേവ് ടെലിവെഞ്ചർ, സ്കൈബ്ലൂ ബിൽഡ്വെൽ എന്നിവയായിരുന്നു, രണ്ട് സ്ഥാപനങ്ങളും നഹാറ്റയുമായി ബന്ധപ്പെട്ടിരിക്കുന്നു.

സമീപകാല സംഭവങ്ങൾ

• ഈ കഴിഞ്ഞ ഓഗസ്റ്റ് 23ന് അദാനി എന്റർപ്രൈസസ് ലിമിറ്റഡിന്റെ പൂർണ ഉടമസ്ഥതയിലുള്ള ഉപസ്ഥാപനമായ എഎംജി മീഡിയ നെറ്റ്‌വർക്ക് ലിമിറ്റഡ് ₹113.74 കോടിക്ക് വിസിപിഎല്ലിനെ ഏറ്റെടുത്തു. എൻഡിടിവിയുടെ 29.18% ഓഹരികൾ സ്വന്തമാക്കാൻ വിസിപിഎല്ലിന്റെ ഉടമസ്ഥതയിലുള്ള വാറന്റുകൾ എഎംജി മീഡിയ നെറ്റ്‌വർക്കുകൾ ഉപയോഗപ്പെടുത്തി.
• എൻ‌ഡി‌ടി‌വിയിലെ അതിന്റെ ഓഹരി 26 ശതമാനത്തിൽ കൂടുതലായതിനാൽ, AMG മീഡിയ നെറ്റ്‌വർക്കുകൾ NDTV-യിൽ 25% അധിക ഓഹരികൾക്കായി ഒരു ഓപ്പൺ ഓഫർ നൽകാൻ ബാധ്യസ്ഥരായി.
• അതേസമയം പ്രൊമോട്ടർമാരായ പ്രണോയ് റോയ്‌ക്കും രാധിക റോയ്‌ക്കും ഇപ്പോഴും എൻ‌ഡി‌ടി‌വിയിൽ 32.26 ശതമാനത്തിന്റെ ഓഹരികളുണ്ട്. അത് ആർ‌ആർ‌പി‌ആറിന്റെ ഭാഗമല്ല. ഏറ്റെടുപ്പ് നടത്തുന്നതിന് അദാനി ഗ്രൂപ്പ് തങ്ങളുടെ സമ്മതം തേടിയിട്ടില്ലെന്ന് ഇവർ അടുത്തിടെ പ്രസ്താവന ഇറക്കിയിരുന്നു. ഇപ്പോൾ, എൻ‌ഡി‌ടി‌വിയും റോയ്‌സും തീർച്ചയായും അദാനിയുടെ ഏറ്റെടുക്കലിനെതിരെ പോരാടുകയാണ്.
  
  2020ൽ ഇൻസൈഡർ ട്രേഡിങ്ങിൽ റോയ്‌സ് കുറ്റക്കാരാണെന്ന് കണ്ടെത്തിയതായി സ്റ്റോക്ക് എക്‌സ്‌ചേഞ്ചുകൾക്ക് അയച്ച കത്തിൽ എൻഡിടിവി പരാമർശിച്ചിരുന്നു. ഇതേതുടർന്ന്
  ഫിനാൻഷ്യൽ സെക്യൂരിറ്റികൾ കൈകാര്യം ചെയ്യുന്നതിനൽ നിന്നും ഇയാൾക്ക് വിലക്ക് ഏർപ്പെടുത്തിയിരുന്നു.
• 2022 നവംബർ 26 ഓടെ വിലക്ക് നീക്കപ്പെടും. അതിനാൽ നിരോധനം മറികടന്ന് മാത്രമേ വിസിപിഎല്ലിന് ഓഹരികൾ സ്വന്തമാക്കാനാകൂ എന്ന് എൻഡിടിവി വിശ്വസിക്കുന്നു.

അദാനി ഗ്രൂപ്പിന്റെ ഈ ഏറ്റെടുപ്പ് തന്ത്രത്തെ പറ്റിയുള്ള നിങ്ങളുടെ അഭിപ്രായം എന്താണ്? കമന്റ് ചെയ്ത് അറിയിക്കുക.