തിരുത്തലോ വീണ്ടെടുക്കലോ? നിർണായകമായി 17330  - പ്രീമാർക്കറ്റ് റിപ്പോർട്ട്

പ്രധാനതലക്കെട്ടുകൾ

Tata Consultancy Services : ആഫ്രിക്കയിലെ അബ്സ കോർപ്പറേറ്റ് ആൻഡ് ഇൻവെസ്റ്റ്‌മെന്റ് ബാങ്കിൽ നിന്ന് വെളിപ്പെടുത്താത്ത തുകയ്ക്കുള്ള കരാർ സ്വന്തമാക്കി കമ്പനി.

NTPC: 20 മെഗാവാട്ട് ഗന്ധർ സോളാർ പിവി പദ്ധതിയിൽ 10 മെഗാവാട്ടിന്റെ ആദ്യഭാഗം ഗുജറാത്തിലെ ഗാന്ധറിൽ വാണിജ്യാടിസ്ഥാനത്തിൽ പ്രവർത്തനക്ഷമമായതായി കമ്പനി പ്രഖ്യാപിച്ചു.

Tata Power : രാജ്യത്ത് 1,000 ഗ്രീൻ എനർജി സംരംഭങ്ങൾ സ്ഥാപിക്കാൻ സിഡ്ബിയുമായി സഖ്യം പ്രഖ്യാപിച്ച് കമ്പനി.

Bank of Baroda: ബിസിനസ് വളർച്ചയ്ക്കായി ബോണ്ടുകളിൽ നിന്ന് 2,500 കോടി രൂപ സമാഹരിക്കുമെന്ന് ബാങ്ക് അറിയിച്ചു.

ഇന്നത്തെ വിപണി സാധ്യത

താഴ്ന്ന നിലയിൽ 17690ന് അടുത്തായി വ്യാപാരം ആരംഭിച്ച നിഫ്റ്റി താഴേക്ക് നീങ്ങി. വെള്ളിയാഴ്ച സൂചിക ബെയറിഷ് എൻഗൽഫിംഗ് കാൻഡിൽ രൂപപ്പെടുത്തിയിരുന്നു. ഇതിന് പിന്നാലെ ഇന്നലെ 17500 എന്ന സപ്പോർട്ടും നിഫ്റ്റിക്ക് നഷ്ടമായി. തുടർന്ന് കഴിഞ്ഞ ദിവസത്തേക്കാൾ 267 പോയിന്റുകൾക്ക് താഴെയായി 17490 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു.

ഗ്യാപ്പ് ഡൌണിൽ 38722 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി കുത്തനെ താഴേക്ക് വീണു. തുടർന്ന്  38298 എന്ന നിലയിൽ ബാങ്ക് നിഫ്റ്റി നേട്ടത്തിൽ വ്യാപാരം അവസാനിപ്പിച്ചു.

നിഫ്റ്റി ഐടി 2 ശതമാനം ഇടിഞ്ഞു.

യുഎസ് മാർക്കറ്റ് ഇന്നലെ നഷ്ടത്തിലാണ് വ്യാപാരം അവസാനിപ്പിച്ചത്. യൂറോപ്യൻ വിപണികളും നഷ്ടത്തിൽ അടച്ചു.

ഏഷ്യൻ വിപണികൾ താഴ്ന്ന നിലയിൽ കാണപ്പെടുന്നു. യുഎസ് ഫ്യൂച്ചേഴ്സ് , യൂറോപ്യൻ ഫ്യുച്ചേഴ്സ് എന്നിവ നേരിയ ലാഭത്തിലാണ് വ്യാപാരം നടത്തുന്നത്.

SGX NIFTY 17,430- ലാണ് വ്യാപാരം നടത്തുന്നത്. ഇത് ഇന്ത്യൻ വിപണിയിൽ ഒരു ഗ്യാപ്പ് ഡൌൺ ഓപ്പണിഗിനുള്ള സൂചന നൽകുന്നു.

17,380, 17,340, 17,285 എന്നിവിടെ നിഫ്റ്റിക്ക് ശക്തമായ സപ്പോർട്ട് ഉള്ളതായി കാണാം. 17,500, 17,580, 17,640, 17,700 എന്നിവിടെ ശക്തമായ പ്രതിബന്ധം അനുഭവപ്പെട്ടേക്കും.

ബാങ്ക് നിഫ്റ്റിയിൽ  38,250, 38,000, 37,870 എന്നിവിടെ ശക്തമായ സപ്പോർട്ട് ഉള്ളതായി കാണാം.  38,470, 38,760, 39,000 എന്നിവിടെ ശക്തമായ പ്രതിബന്ധം അനുഭവപ്പെട്ടേക്കും.

നിഫ്റ്റിയിൽ 18000ലാണ് ഏറ്റവും ഉയർന്ന കോൾ ഒഐയുള്ളത്. 17000,17500 എന്നിവിടെ ഏറ്റവും ഉയർന്ന പുട്ട്  ഒഐയും കാണപ്പെടുന്നു.

ബാങ്ക് നിഫ്റ്റിയിൽ 39500ൽ ഏറ്റവും ഉയർന്ന കോൾ ഒഐ കാണപ്പെടുന്നു. 38500ൽ ഏറ്റവും ഉയർന്ന പുട്ട് ഒഐയും കാണപ്പെടുന്നു.

ഇന്ത്യ വിക്സ് 19  ആയി കാണപ്പെടുന്നു.

വിദേശ നിക്ഷേപ സ്ഥാപനങ്ങൾ (FIIs) 450 കോടി രൂപയുടെ നെറ്റ് ഓഹരികൾ വിറ്റഴിച്ചപ്പോൾ ആഭ്യന്തര നിക്ഷേപ സ്ഥാപനങ്ങൾ (DIIs) ഇന്ത്യൻ വിപണിയിൽ നിന്നും 85 കോടി രൂപയുടെ നെറ്റ് ഓഹരികൾ
വിറ്റഴിച്ചു.

ജർനമനി ഇപ്പോൾ ഊർജ പ്രതിസന്ധി നേരിട്ട് വരികയാണ്. അതിനാൽ തന്നെ ഗ്യാസ് വില ഗണ്യമായി ഉയർന്നത് കാണാം. കാലാവസ്ഥമാറുമ്പോൾ കാര്യങ്ങൾ കൂടുതൽ മോശമായേക്കാം.

പ്രൈസ് ആക്ഷനിലേക്ക് നോക്കിയാൽ ഒരു സാധാരണ പുൾ ബാക്കിനുള്ള സാധ്യത തള്ളികളയാനാകില്ല. അതിനാൽ തന്നെ 17330ലേക്ക് ശ്രദ്ധിക്കുക.

റിലയൻസ് എങ്ങനെയാണ് സപ്പോർട്ട് എടുത്തത് എന്ന് നോക്കുക. ഓഹരി 2606ന് മുകളിലായി വ്യാപാരം അവസാനിപ്പിച്ചു. റിലയൻസ് ഇന്ന് എങ്ങനെ നീങ്ങുമെന്ന് ശ്രദ്ധിക്കുക.

ക്രൂഡ് ഓയിൽ വില 100 ഡോളറിന് അടുത്തേക്ക് ഉയരുന്നതായി കാണാം. ഇത് ഇന്ത്യൻ വിപണിക്ക് അത്ര നല്ലതല്ല.

നിഫ്റ്റിയിൽ താഴേക്ക് 17,380 മുകളിലേക്ക്  17,500 എന്നിവ ശ്രദ്ധിക്കുക.

ലൈവ് മാർക്കറ്റ് വാർത്തകൾക്കും അറിയിപ്പുകൾക്കുമായി മാർക്കറ്റ്ഫീഡ് ആപ്പ് സന്ദർശിക്കുക. ശുഭദിനം.