Policybazaar IPO: അറിയേണ്ടതെല്ലാം

ദീപാവലിയോട് അനുബന്ധിച്ച് അനേകം കമ്പനികളാണ് ഐപിഒയുമായി എത്തിയിരിക്കുന്നത്. ഓൺലൈൻ പ്ലാറ്റ്‌ഫോമുകളായ പോളിസിബസാറിന്റെയും പൈസബസാറിന്റെയും മാതൃ സ്ഥാപനമായ  പിബി ഫിൻടെക് ലിമിറ്റഡ് തങ്ങളുടെ പ്രാരംഭ ഓഹരി വിൽപ്പന ആരംഭിച്ചിരിക്കുകയാണ്. ഈ ഐപിഒ വിശേഷങ്ങളാണ് മാർക്കറ്റ്ഫീഡ് ഇന്ന് ചർച്ചചെയ്യുന്നത്.

PB Fintech Limited

എഫ്ബി ഫിൻടെക് ലിമിറ്റഡ് (PBFL) ഇന്ത്യയിലെ ഇൻഷുറൻസ്, ലെൻഡിംഗ് ഉൽപ്പന്നങ്ങൾക്കായുള്ള ഏറ്റവും വലിയ ഓൺലൈൻ പ്ലാറ്റ്ഫോമായി പ്രവർത്തിപ്പിക്കുന്നു.  ഇന്ത്യൻ കുടുംബങ്ങൾക്കായി ഇൻഷുറൻസ്, വായ്പ ഉൽപ്പന്നങ്ങളിലേക്ക് കമ്പനി എളുപ്പത്തിൽ പ്രവേശനം നൽകുന്നു. ഉപഭോക്തൃ കേന്ദ്രീകൃത സമീപനത്തിലൂടെ, സുതാര്യമായ രീതിയിൽ ഇൻഷുറൻസ്, വായ്പ നൽകുന്ന ഉൽപ്പന്നങ്ങളെ ഗവേഷണ അടിസ്ഥാനത്തിൽ തിരഞ്ഞെടുക്കാൻ കമ്പനി അനുവദിക്കുന്നു. കമ്പനിയുടെ വിപുലമായ ഡാറ്റാ അനലിറ്റിക്‌സ് കഴിവുകൾ ഉപയോഗപ്പെടുത്തി ഉപഭോക്താക്കൾക്കായി ഇഷ്ടാനുസൃതമാക്കിയ ഉൽപ്പന്നങ്ങൾ രൂപകൽപ്പന ചെയ്യാൻ ഇൻഷുറർമാരെയും വായ്പ നൽകുന്ന പങ്കാളികളെയും ഇത് അനുവദിക്കുന്നു.

Policybazaar 

ബിഎഫ്എല്ലിന്റെ മുൻനിര പ്ലാറ്റ്‌ഫോമായ പോളിസിബസാർ, ഇൻഷുറൻസ് പ്ലാനുകൾ താരതമ്യം ചെയ്യാനും വാങ്ങാനും ഉപയോക്താക്കളെ സഹായിക്കുന്നു. 2020 സാമ്പത്തിക വർഷത്തെ കണക്കുപ്രകാരം വിറ്റഴിച്ച മൊത്തം പോളിസികളുടെ എണ്ണത്തെ അടിസ്ഥാനമാക്കി 93.4 ശതമാനത്തിന്റെ വിപണി വിഹതമാണ് കമ്പനിക്കുള്ളത്. ഇന്ത്യയിലെ ഏറ്റവും വലിയ ഡിജിറ്റൽ ഇൻഷുറൻസ് മാർക്കറ്റ് പ്ലേസ് ആണ് ഇത്. 2021 സാമ്പത്തിക വർഷം വിറ്റ പോളിസികളുടെ എണ്ണത്തെ അടിസ്ഥാനമാക്കി ഇന്ത്യയിലെ എല്ലാ ഡിജിറ്റൽ ഇൻഷുറൻസ് വിൽപ്പനയുടെയും 65.3 ശതമാനം രേഖപ്പെടുത്തി.

നിലവിൽ, 48 ഇൻഷുറർ പങ്കാളികൾ പ്ലാറ്റ്‌ഫോമിൽ 390 ടേം, ഹെൽത്ത്, മോട്ടോർ, ഹോം, ട്രാവൽ ഇൻഷുറൻസ് ഉൽപ്പന്നങ്ങൾ വാഗ്ദാനം ചെയ്യുന്നു. കമ്പനിയുടെ സാങ്കേതിക പരിഹാരങ്ങൾ ഓട്ടോമേഷനിലും സെൽഫ് സർവീസിൽ പ്രവർത്തിക്കുന്ന ഉപഭോക്തൃ അനുഭവങ്ങളിലും ശ്രദ്ധ കേന്ദ്രീകരിച്ചിരിക്കുന്നു. പോളിസിബസാറിന് അതിന്റെ ഇൻഷുറർ പങ്കാളികളിൽ നിന്ന് കമ്മീഷൻ ലഭിക്കുന്നു. ഇത് കൂടാതെ, ടെലിമാർക്കറ്റിംഗ്, സെയിൽസ്, പോസ്റ്റ്-സെയിൽസ്, അക്കൗണ്ട് മാനേജ്‌മെന്റ്, പ്രീമിയം കളക്ഷൻ സേവനങ്ങൾ എന്നിവയിൽ നിന്നും കമ്പനി വരുമാനം ഉണ്ടാക്കുന്നു.

പോളിസിബസാറിനെ ഇൻഷുറൻസ് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി ഓഫ് ഇന്ത്യ നേരിട്ട് നിയന്ത്രിക്കുന്നു. 

Paisabazaar

പിബി ഫിൻടെക് അതിന്റെ പൈസബസാർ പ്ലാറ്റ്‌ഫോമിലൂടെ വായ്പാ സൗകര്യമൊരുക്കുന്നു. വ്യക്തിഗത വായ്പകൾ, ബിസിനസ് ലോണുകൾ, ഭവനവായ്പകൾ, ക്രെഡിറ്റ് കാർഡുകൾ, പ്രോപ്പർട്ടി വായ്പകൾ എന്നിവ വാഗ്ദാനം ചെയ്യുന്നതിനായി 54 വലിയ ബാങ്കുകൾ, നോൺ-ബാങ്ക്, ഫിൻടെക് വായ്പാ ദാതാക്കൾ എന്നിവരുമായി സഹകരിച്ച് പ്രവർത്തിക്കുന്നു. പൈസബസാറിന് അതിന്റെ പ്ലാറ്റ്‌ഫോമിൽ ലിസ്റ്റ് ചെയ്തിട്ടുള്ള വായ്പ നൽകുന്ന പങ്കാളികളിൽ  നിന്ന് ഒരു കമ്മീഷൻ ലഭിക്കുന്നു. ഉപഭോക്താക്കൾക്ക് വായ്പ നൽകുന്നവർക്കും വാഗ്ദാനം ചെയ്യുന്ന ക്രെഡിറ്റ് അഡ്വൈസറിയിൽ നിന്നും മറ്റു അനുബന്ധ സേവനങ്ങളിൽ നിന്നും വരുമാനം നേടുന്നു. 2021 ലെ കണക്കനുസരിച്ച്, 53.7 ശതമാനം വിപണി വിഹിതമുള്ള ഇന്ത്യയിലെ ഏറ്റവും വലിയ ഡിജിറ്റൽ ഉപഭോക്തൃ ക്രെഡിറ്റ് മാർക്കറ്റ് പ്ലേസ് ആണ് പൈസബസാർ.

ഓൺലെെൻ മാർക്കറ്റിംഗ്, കൺസൾട്ടിംഗ്, ടെക്നോളജി സേവനങ്ങൾ എന്നിവയിലൂടെയും കമ്പനിക്ക് വരുമാനം ലഭിക്കുന്നു.

ഐപിഒ എങ്ങനെ?

നവംബർ 1ന് ആരംഭിക്കുന്ന ഐപിഒ നവംബർ 3ന് അവസാനിക്കും. ഓഹരി ഒന്നിന് 940- 980 രൂപ നിരക്കിലാണ് പ്രെെസ് ബാൻഡ് നിശ്ചയിച്ചിരിക്കുന്നത്.

രണ്ട് രൂപ മുഖവിലയിൽ 3750 കോടി രൂപയുടെ ഫ്രഷ് ഇഷ്യുവാണ് നടക്കുക. ഇതിനൊപ്പം  നിലവിലുള്ള ഓഹരി ഉടമകളിൽ നിന്നും 1875 കോടി രൂപ വിലമതിക്കുന്ന ഇക്യുറ്റി ഓഹരികൾ ഓഫർ ഫോർ സെയിൽ വഴി വിതരണം ചെയ്യും. ഒരു റീട്ടെയിൽ നിക്ഷേപകന് അപേക്ഷിക്കാവുന്ന ഏറ്റവും കുറഞ്ഞ ഓഹരികളുടെ എണ്ണം 15 ഇക്യൂറ്റി ഓഹരികൾ അഥവ ഒരു ലോട്ട് മാത്രമാണ്. ഇതിനായി നിങ്ങൾക്ക് കുറഞ്ഞത് 13,500 രൂപ ആവശ്യമായി വരും. അപേക്ഷിക്കാവുന്ന ഏറ്റവും കൂടിയ എണ്ണം 195 ഓഹരികൾ അഥവ 13 ലോട്ടുകളാണ്.

ഐപിഒ വഴി ലഭിക്കുന്ന പണം കമ്പനി ഈ കാര്യങ്ങൾക്കായി ഉപയോഗിക്കും

• പോളിസിബസാർ, പൈസബസാർ എന്നിവയുൾപ്പെടെ കമ്പനിയുടെ ബ്രാൻഡുകളുടെ പേര് വർദ്ധിപ്പിക്കുന്നതിന് 1,500 കോടി രൂപ ചെലവാക്കും.
  
  
• വളർച്ചാ സംരംഭങ്ങൾ വികസിപ്പിക്കുന്നതിനും കമ്പനിയുടെ ഉപഭോക്തൃ അടിത്തറ വർദ്ധിപ്പിക്കുന്നതിനുമുള്ള പുതിയ അവസരങ്ങൾക്കായി 375 കോടി രൂപ ചെലവാക്കും.
  
  
• നിക്ഷേപങ്ങൾക്കും ഏറ്റെടുക്കലിനുമായി 600 കോടി രൂപ ഉപയോഗിക്കും.
  
  
• ഇന്ത്യയ്ക്ക് പുറത്തേക്ക് പ്രവർത്തനം വ്യാപിപ്പിക്കുന്നതിനായി 375 കോടി രൂപ ചെലവാക്കും.
  
  
• പൊതു കോർപ്പറേറ്റ് ആവശ്യങ്ങൾക്കായി ബാക്കി തുക ചെലവാക്കും.

സാമ്പത്തിക സ്ഥിതി

ഇന്ന് വരെ കമ്പനി നെഗറ്റീവ് നേട്ടങ്ങളാണ് കെെവരിച്ചിട്ടുള്ളത്. എന്നിരുന്നാലും, കഴിഞ്ഞ കുറച്ച് വർഷങ്ങളായി നഷ്ടം കുറഞ്ഞുവരുന്നതായി കാണാം. 2021 സാമ്പത്തിക വർഷത്തിൽ കമ്പനി 150.24 കോടി രൂപയുടെ അറ്റനഷ്ടം രേഖപ്പെടുത്തിയിരുന്നു. 2020ൽ 304.03 കോടി രൂപയുടെ നഷ്ടമാണ് കമ്പനി രേഖപ്പെടുത്തിയിരുന്നത്. 2021ൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 11.9 ശതമാനം വർദ്ധിച്ച് 957.41 കോടി രൂപയായി. പരസ്യത്തിനും പ്രമോഷണൽ പ്രവർത്തനങ്ങൾക്കുമായി കമ്പനി കൂടുതൽ ചെലവാക്കുന്നതായി കാണാം.

പിബി ഫിൻ‌ടെക് പോലുള്ള കമ്പനികൾ അവരുടെ ബിസിനസുകളുടെ വളർച്ചയിൽ കൂടുതൽ ശ്രദ്ധ കേന്ദ്രീകരിക്കുന്നതിനാൽ ഭാവിയിൽ കൂടുതൽ നഷ്ടം നേരിട്ടേക്കാം.

അപകട സാധ്യതകൾ

• പിബിഎഫ്എല്ലിന് നഷ്ടങ്ങളുടെ ചരിത്രമാണുള്ളത്. ഭാവിയിലും ഇത് തുടർന്നേക്കും.
  
  
• വായ്പ നൽകുന്ന പങ്കാളികളെയും ഉപഭോക്താക്കളുടെ സമന്വയിപ്പിച്ച്  കൊണ്ട് ക്രെഡിറ്റ് ഉൽപ്പന്നങ്ങൾ വാഗ്ദാനം ചെയ്യുന്നതിലുള്ള വിശ്വാസ്യത നഷ്ടപ്പെട്ടാൽ നിലവിലുള്ള ഉപഭോക്താക്കളെ നിലനിർത്താനോ പുതിയ ഉപഭോക്താക്കളെ സ്വന്തമാക്കാനൊ കമ്പനിക്ക് സാധിച്ചേക്കില്ല.
  
  
• പിബി ഫിൻ‌ടെക്കിന്റെ ബ്രാൻഡ് അംഗീകാരമോ പ്രശസ്തിയോ നിലനിർത്തുന്നതിലും മെച്ചപ്പെടുത്തുന്നതിലും പരാജയപ്പെടുന്നത് അതിന്റെ ബിസിനസിനെയും സാമ്പത്തിക പ്രകടനത്തെയും പ്രതികൂലമായി ബാധിച്ചേക്കാം.
  
  
• ഉയർന്ന മത്സരാധിഷ്ഠിതവുമായ ഫിൻ‌ടെക് ലാൻഡ്‌സ്‌കേപ്പിലാണ് കമ്പനി പ്രവർത്തിക്കുന്നത്, ഇത് ഭാവി സാധ്യതകൾ പ്രവചിക്കുന്നത് കഠിനമാക്കുന്നു.
  
  
• കമ്പനിക്ക് ഉൽപ്പന്ന വിവരങ്ങളുടെ കൃത്യതയും അതിന്റെ പ്ലാറ്റ്‌ഫോമിലെ ഇൻഷുറൻസ് ഉൽപ്പന്നങ്ങളുടെ ശുപാർശയുടെ ഫലപ്രാപ്തിയും സ്ഥിരീകരിക്കാൻ കഴിഞ്ഞേക്കില്ല.
  
  
• ഇൻഷുറൻസ് ബ്രോക്കിംഗ് ബിസിനസ്സ് കർശനമായ നിയമങ്ങൾക്കും നിയന്ത്രണങ്ങൾക്കും വിധേയമാണ്. ഇത്തരം മാനദണ്ഡങ്ങൾ പാലിക്കുന്നതിൽ വീഴ്ചവരുത്തിയാൽ അത് പ്രവർത്തനങ്ങളെ സാരമായി ബാധിച്ചേക്കും.

ഐപിഒ വിവരങ്ങൾ ചുരുക്കത്തിൽ

സിറ്റി ഗ്രൂപ്പ് ഗ്ലോബൽ മാർക്കറ്റ്സ് ഇന്ത്യ, എച്ച്ഡിഎഫ്സി ബാങ്ക്, ഐസിഐസിഐ സെക്യൂരിറ്റീസ്, ഐഐഎഫ്എൽ സെക്യൂരിറ്റീസ്, ജെഫറീസ് ഇന്ത്യ, മോർഗൻ സ്റ്റാൻലി ഇന്ത്യ എന്നിവരാണ് ഐപിഒയുടെ ബുക്ക് റണ്ണിംഗ് ലീഡ് മാനേജർമാർ. 

നിഗമനം

പിബി ഫിൻ‌ടെക്കിന്റെ പോളിസിബസാർ, പൈസബസാർ പ്ലാറ്റ്‌ഫോമുകൾ ഇന്ത്യയിലെ വളരെ കുറവുള്ള ഓൺലൈൻ ഇൻഷുറൻസ്, വായ്പാ വിപണികളെ അഭിസംബോധന ചെയ്യുന്നു. കമ്പനിക്ക് ഒരു അസറ്റ്-ലൈറ്റ് ക്യാപിറ്റൽ സ്ട്രാറ്റജി ഉണ്ട്, കൂടാതെ ഏതെങ്കിലും ഇൻഷുറൻസ് അണ്ടർറൈറ്റ് ചെയ്യുകയോ അതിന്റെ ബുക്കുകളിൽ ഏതെങ്കിലും ക്രെഡിറ്റ് റിസ്ക് നിലനിർത്തുകയോ ചെയ്യുന്നില്ല. കൺസൾട്ടിംഗ് സ്ഥാപനമായ ഫ്രോസ്റ്റ് ആൻഡ് സള്ളിവന്റെ റിപ്പോർട്ട് അനുസരിച്ച്, അടുത്ത 9-10 വർഷത്തിനുള്ളിൽ ഇന്ത്യൻ ഇൻഷുറൻസ് വിപണി 17.8 ശതമാനത്തിന്റെ സിഎജിആർ വളർച്ച കെെവരിച്ച് 39 ലക്ഷം കോടി രൂപയായേക്കും.  ഓഫറുകൾ മെച്ചപ്പെടുത്തുകയാണെങ്കിൽ പിബി ഫിൻ‌ടെക്കിന് ഈ മേഖലയിലെ വളർച്ചയിൽ നിന്ന് പ്രയോജനം നേടാനാകും. എസ്എംഇ കോർപ്പറേറ്റ് ക്ലയന്റുകൾക്കുമായി പ്ലാറ്റ്ഫോമുകൾ വികസിപ്പിക്കാനും കമ്പനി പദ്ധതിയിടുന്നു.

ഓവർസബ്‌സ്‌ക്രിപ്ഷനും അനുകൂലമായ ഗ്രേ മാർക്കറ്റ് പ്രീമിയവും കാരണം, ഐപിഒയിലൂടെ നിക്ഷേപകർക്ക് മികച്ച ലിസ്റ്റിംഗ് നേട്ടങ്ങൾ ലഭിച്ചേക്കും.  ഓഹരി ഒന്നിന് 150 രൂപ നിരക്കിലാണ് ഗ്രേ മാർക്കറ്റിൽ ഇത് കാണപ്പെടുന്നത്. കമ്പനിയുമായി ബന്ധപ്പെട്ട അപകട സാധ്യതകൾ കണക്കിലെടുത്ത് മാത്രം സ്വയം ഒരു തീരുമാനത്തിൽ എത്തിച്ചേരുക.

ഐപിഒയെ പറ്റിയുള്ള നിങ്ങളുടെ അഭിപ്രായം എന്താണ്? കമന്റ് ചെയ്ത് അറിയിക്കുക.